<< back
In Zulu Chofoza lapha		In Xhosa Cofa apha		In English Click here		In Afrikaans Kliek hier

Medicines Control Council/Koranta ya Mail & Guardian/ The Dr Rath Health Foundation

1. Re sebetsa lebitsong la Medicine Control Council mmoho le ditho tsa yona (“ditlelaente tsa rona”)
2. Re tsebisitswe hore le phatlaladitse sengolwa se bitswang “Thusa ho pholosa Dimilione tsa maphelo Afrika Borwa, Roba diketane tsa bokoloniale tsa Meriana ya dikhemisi” koranteng ya lona ya la 8 Mphalane ho isa ho 14 Mphalane 2004. Re kenyeletsa khopi ya sengolwa sena mme se tshwailwe “A” (the article)
3. Ka tsela ena, re le eletsa hore dikahare tsa sengolwa se boletsweng ka hodimo di senya lebitso la ditlelaente tsa rona mme sena ha se molaong.
4. Ka lebaka lena he, le kotjwa ho re romella, ka tsela ya lengolo, tumellano ya hore le tla
   • Phatlalatsa kopo ya tshwarelo, eo ditlelaente tsa rona di tla dumellana ka yona pele le ka e phatlalatsa; le hore
   • Le ke ke la hlola le phatlalatsa sengolwa seo nakong e tlang.
5. Tumellano ena e ngotsweng, eo re buileng ka yona ka hodimo mona, e hlokahala ka hora ya 5 mantsiboyeng a kajeno, mme ha le sa etse seo ditlelaente tsa rona di tla qala kopo e potlakileng ya dihlapiso tsa semolao tse kenyelletsang empa di sa felle feela ho ditjeho.
6. Ditokelo tsa ditlelaente tsa rona di tla dula di sireleditswe.
7. Re emetse karabo ya lona e potlakileng.